Xaricdə uzunmüddətli ixtisaslaşma keçmiş və zəngin iş təcrübəsi qazanmış Təcili Tibbi Yardım şöbəsinin həkim heyəti pasiyentlərə, keyfiyyətli və zamanında təcili tibbi yardım göstərir, ehtiyac olarsa hospitala daşınmasını təmin edir, monitorinq və reanimasiya tədbirlərini keyfiyyətlə həyata keçirir. 

Bu şöbənin ambulans və ilk yardım otaqları beynəlxalq JCI standartlarına uyğun olaraq ən müasir tibbi avadanlıqla təchiz olunub. Bu da diaqnostik müalicəvi prosedurların tez və keyfiyyətlə aparılmasına, pasiyentlərin daşınması zamanı monitorinq və reanimasiya tədbirlərinin icra olunmasına imkan verir. 

Respublika Diaqnositka Mərkəzinin  Təcili Tibbi Yardımına məxsus 913 nömrəli çağri mərkəzi 24 saat əhalinin xidmətindədir. Öz bilik və bacarıqlarını daima yeniləyən ambulans heyəti təcili yardım üçün müraciət edən xəstələrə dəqiqələr ərzində həyati vacib tibbi xidmət göstərmək qabiliyyətindədir. 

Təcili tibbi yardım xidməti istədiyiniz təqdirdə ev və ya ofisinizdə portativ aparatlarla diaqnostik (Rentqen, USM, EKQ) və laborator müayinələri həyata keçirə bilər. 

Peşəkar tibbi personalımız ağırlıq dərəcəsindən asılı olmayaraq pasiyentləri Respublikamızın istənilən yerindən xəstəxanamıza və ehtiyac olarsa ölkə xaricinə təxliyəsini təmin edir.