Kardiologiya Xidmətləri | Respublika Diaqnostika Mərkəzi

Kardiologiya

Respublika Diaqnostika Mərkəzindəki kardiologiya şöbəsi, ürək-damar xəstəliklərinin ən müasir üsullarla diaqnostikası, müayinəsi və müalicəsi sahəsində geniş spektrli xidmətlər təqdim edir. Təcrübəli həkimlərdən ibarət komandamız, xəstələrə yüksək səviyyədə xidmət göstərmək üçün ən müasir diaqnostik və müalicə avadanlıqlarından istifadə edirlər.

Şöbəmiz ürək-damar xəstəliklərinin aşkarlanması və effektiv müalicəsi sahəsində ölkənin qabaqcıl tibbi mərkəzlərindən biri kimi tanınır. Bizim məqsədimiz yalnız xəstələrimizə ən yaxşı tibbi yardımı göstərmək deyil, həm də onların uzunmüddətli sağlamlıq vəziyyətini yaxşılaşdırmaqdır.

Kardioloji şöbəmizdə geniş miqyaslı diaqnostik testlər və müayinələr aparılır. Bu müayinələrə EKQ (Elektrokardioqrafiya), Holter monitorinqi, fiziki yük testi (Stress test), Exokardioqrafiya, Transezofagial Exo (TEE), Stress Exokardioqrafiya və ambulator qan təzyiqi monitorizasiyası daxildir. Bu prosedurlar, ürək xəstəliklərini erkən mərhələlərdə aşkarlamaq və effektiv müalicə planı hazırlamaq üçün əsaslı məlumat verir.

Bundan əlavə, şöbədə müxtəlif invaziv və qeyri-invaziv müalicə üsulları həyata keçirilir. Mərkəzdə kardioversiya, müvəqqəti süni ritm aparıcısı (Pacemaker) tətbiqi, intaortik balon pompası tətbiqi kimi invaziv prosedurlar icra edilir. Bu prosedurlar vasitəsilə xəstələrə yüksək riskli ürək xəstəlikləri ilə mübarizədə dəstək olmaq mümkündür. Koronar angioqrafiya və PTKA (Perkutan trans luminal angioplastika) kimi müasir texnologiyalar ürəyin qan damarlarında tıxanıqlığın aradan qaldırılmasında mühüm rol oynayır. Bu müalicələrə yüksək riskli PTKA və stend tətbiqi, xroniki total okkluziyalarda PTKA və stend daxildir.

Bundan başqa, şöbədə ürək boşluqlarının kateterizasiyası, ICD (Implantable Cardioverter Defibrillator), CRT (Cardiac Resynchronization Therapy), TAVİ (Transcatheter Aortic Valve Implantation) kimi irəliləmiş kardioloji müalicələr də tətbiq olunur. Anadangəlmə ürək qüsurlarının diaqnostikası və müalicəsi də şöbənin mühüm xidmətlərindən biridir.

Şöbənin prioritetləri arasında xəstələrin həyat keyfiyyətini artırmaq, ürək-damar xəstəliklərinin ağırlaşmalarının qarşısını almaq və onların uzunmüddətli sağlamlıq vəziyyətini izləmək də yer alır. Xəstələrə fərdi yanaşma, hər bir prosedurun detallı izahı və ən müasir müalicə metodlarının tətbiqi mərkəzin əsas prinsiplərindəndir.

Mərkəzimizdə aparılan kardioloji müayinələr: