Təbabətin bütün digər sahələrində olduğu kimi, uroloji xəstəliklərin müalicəsində də zaman faktoru çox vacibdir. Preventiv tədbirlər müalicə etməkdən daha asandır.  Bu səbəbdən müəyyən yaşa çatmış şəxslər mütəmadi olaraq uroloqa müraciət etməli və sidik cinsiyyət sistemi  xəstəliklərin profilaktikasına dair tövsiyələr almalıdırlar.

Qeyd edək ki, Respublika Diaqnostika Mərkəzində cərrah-uroloq, transplantoloqların əməliyyatları hər zaman ölkədə səs-küyə səbəb olur. Məsələn, yaxın zamanda Bakıda unikal əməliyyat keçirildi və 40 yaşlı təkböyrəkli pasiyentə süni sidik kisəsinin qoyulması tibb dünyası üçün hadisə oldu.

Diaqnostika

Pasiyentlərin tamamilə obyektiv müayinəsi üçün  diaqnostika, sidik və qan analizinin nəticələri vacibdir. Bu nəticələr gizli infeksiyalar, cinsi yolla ötürülən xəstəliklər, pasiyentin orqanizmində artıq getməkdə olan iltihabi proseslər barədə tam məlumat verir.

Müasir tibbi texnologiyalar mütəxəssislərimizə bütün zəruri müayinələri aparmağa imkan verir.